![Një ushtar izraelit qëndron me kompleksin e Xhamisë Al-Aksa në sfond [Dosje: Maya Alleruzzo/AP Photo]](https://tesheshi.com/wp-content/uploads/2024/12/Kolonet-izraelite-shkelin-status-quo-ne-ne-kompleksin-e-xhamise-Al-Aksa-360x180.webp)
Sinjalet e nivelit të lartë LSI-PD, gjatë kësaj jave kanë qenë nga më të qartat dhe më paralajmërueset të zhvilluara deri tani në lidhje me një mundësi ribashkimi apo “rimartimi” mes tyre për zgjedhjet e 2013-s.
Kanë qenë përkatësisht kryetari i Kuvendit, Ilir Meta, sërish kreu i LSI-së edhe pas votimeve brenda partisë, si dhe Edmond Spaho, n/kryetar i Parlamentit dhe anëtar kryesie të PD-së, që kanë shkëmbyer mesazhe të perceptuara në publik si përgatitje opinioni që paralajmëron një lëvizje të re.
Meta, i cili në një dalje publike i ka përmendur sërish Edi Ramës deklaratat për Trump, tha se LSI është një forcë politike që është bërë për të lëvizur kur tha se
“Unë besoj se zgjedhja është bërë me kohë, që kur është krijuar Lëvizja Socialiste për Integrim ndaj dhe e ka emrin e tillë”.
Por ajo që është dukur si avancim i LSI-së është pikërisht qëndrimi për “qeverinë teknike” që kërkon PD-ja.
Ilir Meta, i pyetur nga gazetarët lidhur me kërkesën e PD për qeveri teknike, tha se çdo kërkesë e drejtë duhet marrë në konsideratë dhe duhen bërë përpjekjet për t’u realizuar
Menjëherë pas kësaj deklarate, ka ardhur edhe përgjigja e nivelit të lartë dhe nga një figurë jo shumë “skiftere” siç është ajo e Edmond Spahos.
““Ne jemi të gatshëm të bashkëpunojmë me të gjithë ata të cilët distancohen nga qeverisja e Edi Ramës dhe i bashkohen frontit opozitar për të hequr atë”, tha Spaho.
I pyetur drejtpërdrejt nëse edhe LSI përfshihet tek partitë me të cilat mund të bashkëpunohet, Spaho dha përgjigje pohuese. “Nëse LSI shkëputet nga qeverisja e Ramës sigurisht, me të gjithë forcat të cilat qëndrojnë në opozitë me Edi Ramën. Nëse është në qeverisje me Ramën, do të thotë se është bashkëpërgjegjëse”, deklaroi nënkryetari i PD-së dje.
Janë dy deklarata të qarta të dy palëve, që ndryshe si asnjëherë japin një sinjal të fortë bashkimi dypalësh dhe vullnet për t’u “rimartuar” siç tha Edi Rama.
Por dilemat janë: Meta a do të bëjë siç ndodhi kur iku nga PD-ja, pra kur siguroi Berishën se nuk do të mbështesë një qeveri teknike para zgjedhjeve, apo do të bëjë një përpjekje siç ndodhi në korrik për të rrëzuar Edi Ramën?
Nuk do të jetë shumë e lehtë pasi LSI ka një armatë në administratë që rrezikon të largohet dhe të rikthehet te shtëpia e vjetër.
Por Meta duket se nuk do të ketë rrugë tjetër tani që filloi reforma në drejtësi…
/tesheshi.com/
