Analisti Ilir Kulla ka zgjedhur të përçojë një mesazh për të gjithë ata politikanë a qeveritarë që kanë në dorë fate njerëzish dhe popujsh, duke vendosur në statusin e tij në FB një thënie të ish-presidentit të ndjerë boshnjak, Alija Izetbegoviç.
Në fakt, ish-lideri i Bosnjës mbi të cilin ra barra e rëndë e luftës gjatë shkërrmoqjes së ish-Jugosllavisë, ka qenë i njohur për nivelin e tij të lartë intelektual, por dhe një staturë të lartë morale.
Ai është ndër të vetmit ish-liderë ballkanas, që mund t`i citohen thënie të mençura, plot urtësi.
Por është po ashtu dhe ndër të vetmit që nuk e ka kompromentuar figurën e tij as me ndonjë krim e as me akte të përfolura korruptive.
Mjaft të thuhet se ushtria që e udhëhoqi në luftë me serbët gjatë konfliktit 3-vjeçar, `92-`95, nuk bartë asnjë akuzë për krime lufte. /tesheshi.com/
