Presidenti me orë ditë të numëruara, Ilir Meta, ka përcjellë mesazhin e radhës, atë me tematikën që e ka fort “për zemër”, emigrimin e shqiptarëve, që në fakt nuk është vetëm i shqiptarëve.
Për Metën, politikanin me ligjërimin më aspak inteligjent, me paaftësi të lindur për të thënë gjëra të mençura, bëhet fjalë për një largim të qëllimshëm.
“Axhenda e qëllimshme antikombëtare për shpopullimin dhe falimentimin e Shqipërisë është një fakt i qartë” shkruan njeriu që mëton të jetë inspirues për rrëzimin e qeverisë pas të lërë Presidencën, pa thënë se pse qenka e qëllimshme dhe kush është autori i saj.
Më tej, duhet të sqarojë se a janë të qëllimshme ikjet në Kosovë, Maqedoni, Kroaci, Serbi, Bullgari e Rumani, të cilat vuajnë të njëjtën gjë si Shqipëria, madje dhe disa vende të Europës Qendrore.
“Nevojitet urgjentisht një strategji e qartë dhe efektive që lufton realisht dhe në mënyrë permanente fenomenet që çojnë në braktisjen e vendit nga shqiptarët, duke garantuar së pari standarde të qeverisjes, llogaridhënie demokratike në çdo nivel dhe dëgjimin e zërit të qytetarëve nëpërmjet referendumeve.
Të bashkojmë energjitë për t’i dhënë Shqipërisë drejtimin dhe perspektivën e merituar europiane!
Koha për të ndërtuar Europën në Shqipëri është tani!”, vijon mesazhi i Metës, një gjuhë e e tij e provuar në vite për kofiçentin zero të frymëzimit. /tesheshi.com/
