Për të gjithë ata në Shqipëri, nga media, politika apo shoqëria, të cilëve u është tiposur që ikjet janë vetëm shqiptare, nga Maqedonia vjen shifra e 700 mijë të ikurve në 8 vjet.
E thotë vetë zv/kryeministri fatmir Bytyqi, pra një autoritet shtetëror.
Ndërsa në Shqipëri, kjo shifër rrumbullakoset nga kritikët ndaj qeverisë, ku kryeson opozita politike, në 500 mijë. Pra, me përllogaritje, duke marrë për bazë numrin e popullatës në dy vende, ku Maqedonia e ka më të ulët, ky fqinj i Shqipërisë qenka dhe më keq.
Megjithatë, edhe Bytyqi është sipërfaqësor, si të gjithë ata zëra që ngrejnë akuza apo trajtojnë fenomenin, mbi zgjidhjen e tij. Ai jep nje recetë kinse ekonomike em fokus të rinjtë, duke anashkaluar kompleksitetin e çështjes.
Ikjet sot në rajon e pak me gjerë, është fenomeni më kompleks. Mjaft që ato janë shndërruar në psikozë kolektive, por askush nuk i qaset në këtë këndvështrim psikologjik e jo ekonomik.
Ndërkohë kujtojmë se ikjet shfaqen si alarmante në fillim në Kosovë e Maqedoni, që në në fillimvitin e 2015-ës, ndërkohë që në Shqipëri nis e shfaqet pak më shumë se një vit më vonë, në pranverë të 2016-ës. /tesheshi.com/
