Një 29vjeçar nga Podujeva, i cili ishte i burgosur në burgun e Prokupljes në Serbi, u ka ikurgardianëve gjatë daljes nga spitali i Nishit, ku ishte dërguar për kontroll pas intervenimit kirurgjik të cilit i ishte nënshtruar vitin e kaluar.
I riu me inicialet M.P, kishte qenë i burgosur për shkak të një vjedhje të rëndë që e kishte kryer në Serbi.
Ende mbetet mister se si i burgosuri, i cili cili ishte nën përcjelljen e gardianëve të burgut, arriti t’u shmangej prangave dhe të arratisej.
Komandantët e policisë ishin duke e mbajtur për dore, mirëpo në momentin kur njëri prej tyre e kishte hapur derën e automjetit policor, M.P. e kishte shtyrë komandantin tjetër policor dhe kishte filluar të vraponte në drejtim të një lagjeje të banuar.
Autoritetet serbe po gjurmojnë rastin duke qenë se gjykata ia ishte lejuar të telefononte nga burgu, gjë të cilën supozohet se ai e kishte shfrytëzuar për të organizuar ikjen spektakolare. /tesheshi.com/
