Në mënyrë krejt të befasishme, mu në ditën e parë të shkollës, kryeministri ka vendosur që Besa Shahini të mos jetë më kosovarja në krye të arsimit shqiptar. Në vend të saj, do vijë një tjetër grua, e treta në radhë në këtë dikaster nën qeverisjen e Ramës, deputetja e Elbasanit Evis Kushi, ardhur nga sferta e arsimit të lartë, si ish-pedagoge universitare. 
Të dyja ato qenë në zyrën e Ramës, ku Shahini u shprehj se “pata nderin që kam kontribuuar për Shqipërinë. Ne kemi tejkaluar sfida me rëndësi të tilla si tërmeti apo pandemia e koronavirusit. E doja Shqipërinë nga jashtë, ndërsa kur punova me mësuesit, e dua edhe më shumë”.
“Mburrem me punën që kam bërë për arsimin e Shqipërisë. Politika nuk duhet që të përçajë kombin shqiptar. Jam e e angazhuar për një të majtë modern”, theksoi Shahini.
Kujtojmë se ditë më parë ajo paratha se nuk do qe më ministre, pasi për arsye familjare di rikthehej në Prishtinë. “Kam keqardhje për largimin e Besa Shahinit nga posti i ministres së Arsimit’, tha Rama. /tesheshi.com/
