Pas një vale të re të ikjes së kosovarëve drejt Beogradit me synim kalimin ilegal të kufirit drejt Hugarisë, për të kërkuar azil në vende të ndryshme të Bashkimit Evropian, përkohësisht është pezulluar linja e transportit Prishtinë-Beograd.
Drejtori i Stacionit të Autobusëve Ylber Çitaku, ka bërë të ditur se vendimi është marrë pasi individë të papërgjegjshëm së fundi kanë blerë bileta dhe gjatë rrugës kanë kërkuar të zbresin nga autobusi.
“Për shkak të gjendjes së krijuar dhe sjelljeve të papërgjegjshme, disa individë blejnë bileta futen dhe gjatë rrugës kërkojnë të zbresin ose nuk futen fare në autobus, duke krijuar situata joserioze, shkaktojnë çrregullim, krijojnë edhe humbje për operatorët transportues”, thotë Çitaku për Radio “Evropa e Lirë”.
Vendimi për ndërprerjen e linjës së autobusëve Prishtinë – Beograd, thotë ai, fillon së zbatuari nga sot dhe do të zgjasë deri në një njoftim të radhës. /tesheshi.com/
