Presidenti i Këshillit Evropian Charles Michel dhe Presidentja e Komisionit Evropian biseduan me telefon me Presidentin e sapozgjedhur të SHBA Joe Biden, i cili u ftua të marrë pjesë në një samit të liderëve të Bashkimit Evropian vitin e ardhshëm.
“Michel propozoi rindërtimin e marrëdhënieve të forta transatlantike, rivendosjen e interesave të ndërsjellta dhe vlerat e përbashkëta … Ai ftoi Biden në një takim të veçantë me anëtarët e Këshillit Evropian në 2021 për të diskutuar përparësitë e përbashkëta,” tha Këshilli Evropian.
Biden gjithashtu foli në telefon me presidente e KE.
“Unë e urova atë për fitoren e tij. Ky është një fillim i ri për partneritetin global BE-SHBA, për një BE e fortë dhe një SHBA e forte që mund të punojnë së bashku për të formuar një agjendë globale të bazuar në multilateralizëm, solidaritet dhe vlera të përbashkëta,” tha Von der Leyen.
Michel tha në një deklaratë se tani është koha për të punuar së bashku për të përmbushur sfidat e pandemisë COVID-19, rimëkëmbjes ekonomike dhe ndryshimit të klimës.
“Tani është koha për të bashkuar forcat. Në një botë në ndryshim, partneriteti ynë do të jetë më i rëndësishëm se kurrë për të mbrojtur qytetarët tanë, për të ringritur ekonominë, për të ndaluar ngrohjen globale dhe për të krijuar një botë më të sigurt. BE dhe SHBA do të kenë gjithmonë më shumë ndikim kur të punojnë së bashku”, tha Michel. /tesheshi.com/
