Sulmuesi legjendar i Liverpool-it dhe i kombëtares angleze të futbollit, Roger Hunt ndërroi jetë pas një sëmundjeje të gjatë në moshën 84 -vjeçare, njoftoi klubi nga Anfield.
Hunt është golashënuesi i dytë më i mirë i Liverpool-it në të gjitha kohërat me 285 gola të shënuar në 492 ndeshje të luajtura.
Me Liverpool-in, ai fitoi dy tituj të ligës angleze, një FA Cup dhe tre Superkupa.
Hunt është gjithashtu një legjendë e ekipit kombëtar anglez me të cilin u bë kampion botëror në 1966.
Ai luajti në ndeshjen finale kundër Gjermanisë Perëndimore dhe shënoi tre gola në fazën e grupeve të turneut.
Ai luajti gjithsej 34 herë për ekipin kombëtar, me 18 gola të shënuar. /tesheshi.com/
