Dizajnerja dhe ikona e modës amerikane Iris Apfel u nda nga jeta në moshën 102-vjeçare.
Ajo ishte e njohur për flokët e saj të shkurtër të bardhë, syzet e mëdha, buzëkuqin që binte në sy dhe perlat që i kombinonte me gjithçka, raporton BBC.
Apfel arriti kulmin e famës së saj në vitet 1980 dhe 1990, por ajo ka qenë një fytyrë e njohur në shfaqjet e modës në Paris për më shumë se gjysmë shekulli.
Ajo gjithashtu ka punuar me një mori klientësh të famshëm, duke përfshirë Greta Garbo dhe Estee Lauder.
Ajo lindi në New York në vitin 1921. Fillimisht studioi historinë e artit dhe u trajnua për dizajn të brendshëm, veçanërisht tekstile.
Ajo punoi si stiliste e brendshme për dekada, duke përfshirë projektet e restaurimit në Shtëpinë e Bardhë, përpara se të bëhej stiliste në të 80-at e saj dhe modele profesioniste në moshën 97-vjeçare.
Në vitin 2015, Apfel u bë edhe më e njohur falë dokumentarit Iris, i cili tregoi ndjeshmërinë e saj për jetën dhe modën, si dhe marrëdhënien me bashkëshortin e saj të dashur, Carl.
Tre vjet më vonë u bë pronare e kukullës së saj Barbie dhe në moshën 97-vjeçare, me nxitjen e Tommy Hilfiger, u bë modele, duke nënshkruar një kontratë me agjencinë IMG, e cila përfaqëson Gisele Bündchen dhe Gigi Hadid.
Iris mbante titullin e influencueses më të vjetër në botë dhe ndiqej nga tre milionë përdorues në Instagram. /tesheshi.com/
