Kryeministri Rama nuk e konsideron alarmante situatën te bluzat e bardha si pasojë e ikjeve të shumta. Në inauguriminne spitalit të ri të Laçit, ai tha madje se kë një situatë më të mirë se dje.
“Ne sot, në sistemin spitalor kemi shpërndarje e prani më të plotë e të racionalizuar sesa kishim vite më parë kur trashëguam një gropë të madhe e të pashpjegueshme të mungesës së specialistëve prej mbylljes së specializimeve. Një vendim i marrë nga qeveritë e mëparshme që nuk ia gjejmë dot shpjegimin.
Sot jemi në kushtet e harmonizimit të mjekëve të vjetër dhe atyre të rinjve që duke i ofruar kushte të tilla dhe duke i vënë në dispozicion aparatura, iu ushqejmë dëshirën që të vijojnë të punojnë në shërbim të njerëzve”, tha Rama, duke premtuar rritje rrogash në këtë sektor.
“Rrogat do vazhdojmë t’i rrisim përsëri për mjekët dhe infermierët, për mësuesit dhe mësueset”. /tesheshi.com/
