Ministrat teknikë dhe zv.kryeministrja Ledina Mandija depozituan në Kryeministri, përmes shërbimit postar, dorëheqjet e tyre duke zyrtarizuar në këtë mënyrë largimin nga Qeveria.
Së bashku me zarfin e dorëheqjeve, në godinën e Këshillit të Ministrave ka mbërritur edhe raporti me gjetjet për shkeljet e konstatuara gjatë fushatës dhe ditën e votimit për zgjedhjet parlamentare të 25 qershorit.
Dorëheqjet u paralajmëruan dje, ndërsa vendimi është marrë nga kryetari i PD-së, Lulzim Basha.
Kompetencat e ministrave i kalojnë zv.ministrave deri në krijimin e qeverisë së re, ndërsa prej 12 javësh 6 Ministritë më të rëndësishme në vend u drejtuan nga përfaqësues të opozitës, në kuadër të marrëveshjes së 17 majit mes kryeministrit Edi Rama dhe kreut të PD-së, Lulzim Basha.
Të dorëhequrit
Zv/kryeministër Ledina Mandia
Ministër i Brendshëm Dritan Demiraj
Ministër i Financave Helga Vukaj
Ministër i Drejtësisë Gazmend Bardhi
Ministër i Arsimit dhe Sportit Mirela Karabina
Ministër i Shëndetësisë Arben Beqiri
Ministër i Mirëqenies Sociale Xhuljeta Kërtusha. /tesheshi.com/
