Nuk ka mundur të përfundojë derbi i kryeqytetit mes Tiranës dhe Partizanit. Një defekt i rëndë elektrik e ka lënë stadiumin “Selman Stërmasi” në errësirë pak pas nisjes së gjysmëorëshit të fundit të lojës.
Rezultati deri në momentin e ndalimit të lojës ka qenë 0-0. Nuk kanë munguar rastet për të dyja skuadrat, por ekuilibri nuk është prishur për asnjë çast.
I vlefshëm për javën e 13-të të Superligës, takimi Tirana- Partizani do të rifillojë nesër në orën 14:00. Ndeshja do të rinisë në minutën e 63-të, atëherë dhe kur u ndërpre.
Një incident të ngjashëm ka patur dhe dje në Shkodër, në takimin mes Vllaznisë dhe Korabit, por që nuk ka qenë i përmasave të tilla, pasi ndeshja ka vijuar rregullisht. /tesheshi.com/
