Portieri spanjoll Iker Casillas, 37 vjeç, ish-gardian i portës madrilene në shumë vite, njëherësh një nga portierët më të mirë të të gjitha kohërave, ka pësuar një sulm në zemër pas seancës stërvitore.
Portieri i Portos është transferuar urgjentisht në spital dhe aktualisht është jashtë rrezikut për jetën, konfirmoi klubi portugez.
Thuhet se Casillas nuk u ndje mirë pas përfundimit të stërvitjes, dhe pasi bëri një ekzaminim të detajuar mjekësor, pritet që të mos jetë në portë deri në fund të sezonit.
Casillas konsiderohet si një nga yjet i Real Madridit i cili bëri paraqitjen e tij të parë zyrtare në sezonin 1998/99.
Në moshën 19 vjeç, ai u bë portieri më i ri në finalen e Ligës së Kampionëve, ku Real Madrid fitoi 3-0 kundër Valencias.
Casillas mbrojti ngjyrat e Realit midis viteve 1999 dhe 2015, për t’u transferuar më pas te Porto.
Ai ka realizuar 167 paraqitje me fanellën e kombëtares spanjolle. /tesheshi.com/
