Në fundjavë, Porto fitoi 2-1 ndaj Sportingut të Lisbonës, në një prej sfidave klasike të futbollit portugez. Iker Casillas, gardiani i portës së vendasve tregoi në minutën e 93-të se ai mbetet ende një prej portierëve më të mirë në Europë, edhe pse tashmë është 35-vjeç.
Casillas bëri një pritje të jashtëzakonshme në atë minutë, duke shmangur një gol të sigurt.
“Casillas e fitoi ndeshjen,” këmbënguli trajneri Jorge Jesus pas 90 minutave.
Të shkëlqyer e quan Marca spanjolle paraqitjen e Casillas-it në këtë sezon në futbollin portugez. Në fakt, janë shifrat që flasin më shumë se Marca: Iker Casillas ka pësuar vetëm 11 gola në 20 ndeshje të kampionatit, si asnjë tjetër.
Marca krahason mesataret e pësimit të golave të klubeve të tjera në Europë, karshi të cilave Porto paraqitet shumë më mirë falë Casillas-it.
Në vitin e 18-të të karrierës së tij në futbollin profesionist, me Casillas në portë, Porto ka një përqindje 0.55 të golave të pësuar për ndeshje gjatë këtij sezoni. Vjen më pas Bajerni i Mynihut, me 0.63 për qind, Vilareali e Totenhemi, me 0.66 për qind, PSG-ja dhe Juventusi.
Iker Casillas pati vuajtur në sezonin e shkuar, në vitin e tij të parë te Porto. Paraqitjet e tij mesatare qenë rezultat i problemeve dhe te Reali më herët.
Tani, në të 35-tat, Porto po merr frytet e pasjes në ekip të një lojtari si Casillas. /tesheshi.com/
