Një status në FB i Adnan Ismailit, themeluesit të shtëpisë botuese prestigjoze Logos – A me qendër në Shkup, informon mbi vdekjen e stërnipit të poetit kombëtar turk, autorit të himnit të këtij vendi, Mehmet Akif Ersoy, i cili ishte shqiptar me origjinë.
Dhe vdekja e stërnipit të tij, paraqet mbi të githa dhe rastin interesant të të fundit pinjoll të familjes Mulaj nga Peja, i cili ruante kujtime nga Mehmeti Akifi, një prej figurave më të shquara të kombit turk që shkëlqeu në muzg të Perandorisë Osmane, duke i lënë më pas Turqisë republikane dhe himnin, e po ashtu brezave një thesar krijimtarie poetike të jashtëzakonshme.
“Sot (e hënë – 09.01.2017) paska ndërruar jetë stërnipi i Mehmet Akif Ersojt, Adem Beqaj (Mulaj).
Ai ishte plaku i fundit i familjes Mulaj të Sushicës së Epërme, i cili e ruante një fije kujtimi për lidhjet familjare me autorin e himnit shtetëror turk. Adem Beqaj (Mulaj) kishte pasur 7 vjeç në kohën që ka ndërruar jetë M. Akifi.
Në takimin që e kishim me të me rastin e botimit të veprës së Mehmet Akifit, në vitin 2007, ai na tregoi se babai i tij ishte kushëri i parë me të atin e Mehmet Akifit, Tahirin.
Ndonëse ishte premtuar se do të bëhej diçka për atë familje, sepse ata tashmë e kishin humbur edhe kontaktin si familjarë mes vete, deri tash nuk u bë asgjë.
Bashkë me Bacin Adem është shuar sot edhe kujtimi i fundit shqiptar i Pejës”, I qoftë i lehtë dheu i Kosovës dhe Zoti e pastë shpërblyer me të mirat e tij!
– Adnan Ismaili”, ishte pra statusi i këtij të fundit, një lloj nekrologjie që na kujton dhe njëherë se sa rrënjë shqiptare ka në Turqinë e çdo kohë, dhe padyshim në pjesët më të ndritshme të saj. /tesheshi.com/
