Është ndarë nga kjo botë poeti dhe shkrimtari i njohur shqiptar Dritëro Agolli, i cili prej disa vitesh lëngonte nga një sëmundje e mundimshme.
Familjarë të Agollit bënë të ditur se njeriu i tyre i afërm ka ndërruar jetë në spital ku ishte shtruar në gjendje të rëndë prej disa ditësh. Dritëro Agolli u nda nga jeta në moshën 86-vjeçare.
Ai ka qenë një nga shkrimtarët më aktivë të gjysmës së dytë të shekullit të 20-ë kryesisht në periudhën e quajtur socrealizmi.
Agolli ka qenë edhe deputet e asnëtar i kryesisë së Partisë Socialiste nga viti 1991 deri 2005. Quhej ndryshe patriark i së majtës.
Ndër kryeveprat e tij në fushën e krijimtarisë letrare mbeten: Romani “Shkëlqimi dhe rënia e shokut Zylo”, një tip Shvejku shqiptar, si dhe poezia “Devoll, Devoll…”, një autobiografi në vargje, siç ka qenë dhe poema “Autobiografia e popullit tim në vargje” /tesheshi.com/
