Presidenti amerikan, Donald Trump pasi detyroi Reince Priebus të largohej si shef i stafit të Shtëpisë së Bardhë, e ka zëvendësuar atë me sekretarin e Sigurisë së Brendshme, John Kelly.
Në një njoftim në Tuiter, Trump shkroi: “Jam i lumtur t’ju informoj se sapo kam emëruar Xhon Kellin si shef stafi. Ai është një amerikan i madh… dhe lider i madh. Xhon ka bërë gjithashtu një punë spektakolare tek Siguria e Brendshme. Ai ka qenë një yll i vërtetë i administratës sime”.
Largimi i Priebus nuk ka shkaktuar habi pas një sulmi të furishëm që iu bë nga drejtori i ri i komunikimit, Anthony Scaramucci.
Në gjashtë muaj presidencë, Trump ka humbur tashmë një shef stafi, një zëvendësshef stafi, këshilltarin e sigurisë kombëtare, drejtorin e komunikimit dhe sekretarin e shtypit. /tesheshi.com/
