Drejtori sportiv i Lazio-s Igli Tare, njëherësh ish-sulmues i Brescia-s me të madhin Roberto Bagio, përcolli një apel të ngjashëm me atë të tenorit Saimir Pirgu ditë më parë.
I ndodhur edhe me Ramën në Porta a Porta, Tare tha se ishte i shqetësuar për imazhin e cenuar të Shqipërisë jashtë vendit, referuar skenave në protestat e opozitës.
“Nuk jam një person që dua shumë politikën, por dua shumë vendin tim. Është shumë i rëndësishëm imazhi që ne po i japim vendit. Ne (shqiptarët e Italisë) po përpiqemi të bëjmë pjesën tonë këtu, jashtë Shqipërisë dhe në të njëjtën kohë presim që njerëzit atje të jenë më të përgjegjshëm”, tha Tare.
Ditë më parë, për çka shkaktoi dhe një furtunë reagimesh, Saimir Pirgu tha se do i duheshin tashmë 200 koncerte për të përmisuar imazhin e Shqipërisë. /tesheshi.com/
