Në përpjekjen e tij të mundimshme për t’i ngjarë Edi Ramës në sarkazëm politike, sidmos atij të viteve ’90-të, gjithsesi krejt pa sukses deri më tani, Agron Gjekmarkaj mbajti një fjalim bajat në parlament, krejt pa lidhje me temën, duke bërë cirk fjalësh, në të cilat përfshiu dhe ato me natyrë fetare.
Teksa po diskutohej projektligji për një treg të përbashkët mes Shqipërisë dhe Bashkimit Evropian, Gjekmarkaj, për herë të parë dhe në drejtimin e një séance si zv/kryetar parlamenti, nisi një tiradë pa lidhje me cështjen.
“Një tjetër marrveshje me Bashkimin Europian ka mbërritur sot në këtë sallë ‘për pjesëmarrjen në tregun e përbashkët’!
Në substancë mes kësaj Qeverie dhe Europes qëndron mosmarrveshja ekzistenciale, keqkuptimi organik, hilja metafizike, gënjeshtra e natyrshme!”, e nisi fjalimin ai, duke kaluar dhe në turkofobi apo islamofobi, edhe pse për herë të parë u shfaq në një iftar këtë Ramazan.
“Gënjeshtra ‘allaturka’ e trashë si salep derdhet binave të komisionit europian dukë lënë ngado njollat e veta të lybyrta”.
“Për të firmosur si kamarier lepe peqe çdo nismë të kryeministrit të cilin kur e sheh në Iftar prej mjekrres e ngatërron me profetin dhe i zaliset tek këmbët, e di vetë, e ka merak jete”.
Ishin këto disa nga frazat e Gjekmarkajt.
Por kujtojmë se në të gjithë ato raste kur është përballur në studio televizive me Ramën, Gjekmarkaj, etiketuar ironikisht si “padër” nga kryeministri, është zhvlerësuar e dekonstruktuar vetëm nga kjo fjalë. /tesheshi.com/
