Kreu i PDIU-së, Shpëtim Idrizi, ka bërë me dije se së shpejti do të nisë procesi i verifikimit të ADN-së për të gjithë të zhdukurit e genocidit çam.
“Do të ishte e udhës të kërkonit të paktën varret për shqiptarët e Çamërisë. Të vdekurit e çdo kohe trajtohen me respekt. Nëse nuk lejohet ndërtimi varrezave çame në Greqi, asnjë varrezë e ushtarëve grekë nuk do të ndërtohet në Shqipëri. Unë nuk do t’i lejoj”, ka thënë Idrizi në një fjalim reagues ndaj tij karshi qëndrimit dhe deklaratave të kreut të Kuvendit, Ilir Meta gjatë vizitës treditore në Athinë.
Në mungesë edhe të Ramës, prania e të cilit në parlament aktivizon energjitë shpërthyese të opozitës duke lënë në hije shumë çështje apo personazhe të tjera, ajo çfarë doli në pah këtë të enjte ishte pikërisht cështja çame dhe Idrizi kundër Metës.
“Genocidi ndaj kujtdoqoftë i përket së sotmes, jo së shkuarës. Ajo që duam të bëjmë ne është t’i falim persekutorët dhe të pranojmë ndjesën. Por as këtë mundësi nuk dëshirojnë të na e japin, sepse thonë se çështja çame nuk ekziston. Jo, nuk i përket së shkuarës, ashtu sikurse nuk i përket Holokausti dhe nazistët vazhdojnë të ndiqen edhe sot. Kjo çështje i përket së sotmes. Çështja çame është çështje e ditës dhe për këtë u ndërgjegjësua edhe Komisioni Europian.
Rezoluta për shqiptarët e Çamërisë për të shkuarën, është rezolutë për të sotmen. Presidenti i Greqisë nuk ia lë çështjen e varrezave të shkuarës, por së ardhmes“, tha Idrizi i revoltuar. /tesheshi.com/
