Parlamenti hungarez në seancën e sotme miratoi një rezolutë lidhur me qëndrimin e vendit për të ardhmen e Bashkimit Evropian, ku thuhet se marrëveshjet aktuale të BE-së “nuk janë bazë adekuate për bashkëpunim në kohë krize”.
Për shkak të luftës në Ukrainë dhe vendimeve “të nxituara” të BE-së për të vendosur sanksione ndaj Rusisë, kontinenti po përballet me një periudhë “krize dhe pasigurie”, thuhet në rezolutë.
Në përgjigje të ndryshimit të situatës, Parlamenti hungarez propozon që traktatet evropiane të afirmojnë vlerat e rrënjëve dhe kulturës së krishterë evropiane, një ide e kaharshme e kryeministrit Orban.
Komisioni Evropian, shtohet, duhet të deklarohet edhe politikisht dhe ideologjikisht neutral.
Të gjitha vendet duhet të kenë të drejtën të vendosin me kë duan të jetojnë, thuhet në rezolutë.
Hungaria propozon gjithashtu formimin e një ushtrie të përbashkët evropiane, futjen e një ndalimi për bllokun për të marrë kredi të mëtejshme dhe kundërshton qëllimin e “integrimit më të fortë të unionit”, sipas dokumentit.
Përveç kësaj, Budapesti propozon që përfaqësues të Parlamentit Evropian të delegohen në parlamentet kombëtare dhe bën thirrje që mbrojtja e pakicave autoktone të vendoset në traktate dhe të forcohen perspektivat e vendeve të Ballkanit Perëndimor për integrim evropian. /tesheshi.com/
