Sekretari i Përgjithshëm i KB, Antonio Guterres tha të martën se pandemia koronavirus përfaqëson një mundësi për të riformuar mjediset urbane.
“Qytetet vuajnë nga kriza të mëdha, shumë prej tyre me sisteme të mbingarkuara shëndetësore, kanalizime dhe sfida të tjera,” tha Guterres në një mesazh video, duke shtuar se kriza ka ekspozuar pabarazi me rrënjë të thella.
“Tani është koha për të rimenduar dhe riformuar botën urbane dhe tani është shansi ynë të ndërtojmë qytete më elastike, gjithëpërfshirëse dhe të qëndrueshme,” tha ai.
Udhëheqësi i KB mbajti një konferencë në të cilën tha se në përgjigje të pandemisë, është e nevojshme të preket pabarazia dhe të ruhet kohezioni social, siç është garantimi i akomodimit të urgjencës për të pastrehët.
Ambientet urbane duhet të punojnë për një rikuperim ekonomik elastik dhe gjithëpërfshirës që respekton mjedisin, tha Guterres, duke treguar qytetet tashmë kanë përmirësuar lëvizshmërinë, sigurinë dhe cilësinë e ajrit, duke krijuar korsi të reja për biçikleta dhe zona të këmbësorëve.
“Duke u përqëndruar në transformimin e lartë mjedisor dhe krijimin e vendeve të punës, paketat stimuluese mund të drejtojnë rritjen drejt një modeli elastik me emetim të ulët të karbonit,” tha ai.
Guterres theksoi se e njëjta qasje urgjente që shoqëria adoptoi gjatë pandemisë duhet të zbatohet për transformimin e qyteteve dhe trajtimin e krizës klimatike të shkaktuar nga ndotja e ajrit. /tesheshi.com/
