Ekipi amerikan i skermës për femra fitoi medaljen e bronztë të shtunën në Lojërat Olimpike që po mbahen në Rio de Zhanejro.
Lojtaret e ekipit, Mariel Zagunis, Dagmara Wozniak dhe Ibtihaj Muhammad, mposhtën ekipin e Polonisë në çerekfinale të shtunën paradite, duke shkuar drejt medaljes së bronztë.
Muhammad u vu në qendër të vëmendjes që në fillim të Lojërave Olimpike në Rio, kur ajo u bë atletja e parë amerikane me mbulesë që merrte pjesë në garat olimpike.
Tani ajo është po ashtu atletja e parë amerikane me mbulesë që fiton një medalje. Hera e fundit kur kishte fituar medalje ekipi amerikan i skermës për femra ishte ajo e argjendta në Lojërat Olimpike në Pekin 2008. /tesheshi.com/
