Zlatan Ibrahimovic nuk ka vonuar ta tregojë veten si mbase blerja më e mirë e Mançester Junajtedit në prag të sezonit të ri.
Në miqësoren ndaj Gallatasarajit, Ibrahimovic ka shënuar të parin gol të tij për “djajtë e kuq”. E ka bërë këtë në mënyrën më të mirë të mundshme para mbështetësve suedezë në Goteborg, duke realizuar me një ekzekutim gërshërë brenda zonës së rreptësisë së Gallatasarajit.
Në miqësoren mes Gallatasarajit dhe Mançester Junajtedit, pas golit të shënuar shpejt nga Ibrahimovic, do të ishin turqit që do të këmbëngulnin, duke e kthyer rezultatin në favor të tyre. Pjesa e parë do të mbyllej 2-1 për Gallatasarajin, me golat e shënuar nga Sinan Gümüş dhe Bruma.
Pjesa e dytë do të ishte e tëra e Mançester Junajtedit. Dy herë do ta gjente rrjetën Rooney, një herë Fellaini, e pastaj Mata.
Mançesteri fitoi 5-2, duke treguar një përmirësim të ndjeshëm në fazën sulmuese. Por ashtu si vitin e kaluar, mbrojtja vijon të mbetet lehtësisht e thyeshme.
Antonio Valencia u çmua të bënte paraqitjen më të mirë gjatë ndeshjes. /tesheshi.com/
https://youtu.be/ZF6Anvs4NHs
