Aja Al-Umari thotë se ndjen që vëllai i saj do ta shoqërojë kur ajo të gjendet në Mekë gjatë kryerjes së Haxhit.
Al-Umari është një nga 200 të afërmit dhe të mbijetuarit e ngjarjes së 15 marsit në Christchurchtë Zelandës së Re, të cilët udhëtojnë drejt në Arabinë Saudite si mysafirë të Mbretit Salman. Mbreti paguan të gjitha shpenzimet e udhëtimit dhe strehimit të tyre njerëzve, të cilat mund të kushtojnë më shumë se një milion dollarë.
Ambasadori saudit në Zelandën e Re, Abdulrahman Al Suhaibani, ishte për t’i përcjellë ata në xhaminë Al Noor, një nga dy xhamitë ku humbën jetën 51 besimtarë në ditë xumajë, si pasojë e të shtënave të një marri. Al-Umari tha se ambasadori i kishte dorëzuar veshjet e veçanta të Haxhit.
Hussein, vëllai 35 vjeçar i Aja Al-Umarit, ishte një prej atyre që humbi jetën atë ditë.
Ajo tha se ishte nder që mbreti Salman po sponsorizonte një udhëtim të saj drejt tokës së shenjte.
“Ky është një nder i madh”, tha Al-Umari. /tesheshi.com/
