Presidenti turk Rexhep Tajip Erdogan e quajti “fitore” humbjen zgjedhore të Marin Le Pen, kandidates së ekstremit të djathtë në zgjedhjet presidenciale të fundjavës në Francë, njoftuan sot mediat turke.
“Eliminimi dhe humbja e pikëpamjeve ekstremiste në zgjedhjet franceze është, mendoj, një fitore, sepse gjithçka që vuajmë është shkaktuar nga ekstremizmi,” u tha ai gazetarëve në aeroplan gjatë kthimit nga një vizitë në Arabinë Saudite.
Le Pen, e cila pretendon se dëshiron të “luftojë ideologjinë islamike” dhe thotë se është “në favor të ndalimit të shamisë islamike në publik”, humbi përballë Macron, por mori 41.45% të votave, një performancë historike për francezët e ekstremi të djathtë.
“Shpresoj se me rezultatin e këtyre zgjedhjeve, marrëdhëniet tona (me Francën) do të jenë në një pozitë shumë më të mirë”, vazhdoi presidenti turk.
Në vitet e fundit, Erdogan është përplasur vazhdimisht me homologun e tij francez, duke e akuzuar atë për “udhëheqjen e një fushate urrejtjeje” kundër muslimanëve, pasi Macron mbrojti lirinë e karikaturaveqë fyenin muslimanët.
Presidenti turk kishte arritur në pikën në vitin 2020 të shprehte shpresën e tij për të parë Francën “të heqë qafe” Macron “sa më shpejt të jetë e mundur”. /tesheshi.com/
