Trupi i një njeriu, i cili është zhdukur për thuajse një dekadë të tërë, është gjetur në brendësi të një makine, e cila është shfaqur për disa vite me radhë në imazhet e Google Maps.
72 vjeçari David Lee Niles, i cili vuante nga kanceri në atë kohë, u zhduk më 11 tetor 2006, pasi doli nga ambientet e Jake’s Bar në Byron Township, Michigan, pasi kishte pirë një kafe me një mik.
Që prej asaj kohe nuk ishte gjetur asnjë gjurmë e Niles, deri sa Brian Houseman vuri re praninë e një makine të zhytur në ujë, ndërsa ishte duke kaluar në afërsi të Cook Funeral Home, disa milje larg vendit ku viktima ishte parë për herë të fundit.
Policia mbërriti në vendngjarje dhe pasi nxorën makinën nga uji, në brendësi të saj gjetën trupin e tretur dhe të pajetë të zotit Niles.
Në një intervistë për WOOD-TV, Houseman tha: “Këtë makinë e kam parë për disa vite me radhë në pamjet e Google Maps”.
Pasi ai u zhduk, familja e Niles e kërkoi në mënyrë të vazhdueshme, deri sa u dorëzuan, pa pasur asnjë rezultat, në vitin 2011./tesheshi.com/
