Një ngjarje e tmerrshme ka ndodhur në Britaninë e Madhe, ku Ava Jayne Corless, një fëmijë 11 muajshe është vrarë nga qeni i familjes, ndërsa nëna e saj, Chloe King dhe njerku Lee Wright i kishte zënë gjumi në divan, ndërsa ishin duke parë televizor.
Kafsha është turrur mbi vogëlushen, duke i shkaktuar asaj plagë që i kanë marrë jetën. Wright, pronari i qenit, është vënë nën hetim për mbajtjen në banesë të një qeni, i cili është i një race të ndaluar në Mbretërinë e Bashkuar.
Ngjarja ka ndodhur në muajin shkurt. Chloe, 21 vjeçe e kishte vënë në gjumë fëmijën duke e përkundur në krahët e saj dhe më pas e kishte çuar në katin e dytë të banesës. Më tej ajo kishte zbritur për të për të parë një film me bashkëjetuesin e saj, por pak më vonë, të dy i kishte zënë gjumi dhe janë zgjuar disa orë pasi kishte ndodhur tragjedia.
Qeni i Wright kishte mundur të lirohej nga zinxhirët me të cilët pronari e kishte siguruar dhe ka hipur në katin e dytë të banesës, ku ka shqyer fëmijën, duke e lënë atë të vdekur.
Chloe King e Lee Wright u arrestuan fillimisht nën akuzën e braktisjes së fëmijës dhe vrasje të qëllimshme, ndërsa më pas gruaja u lirua.
“Nuk do të mundem kurrë të harroj atë moment. Qeni ishte në dhomën e gjumit, vajza ime ishte e mbuluar në gjak, në nxituam për në spital. Gjithçka më dukej si një ëndërr e keqe, por nuk ishte ashtu”,- ka treguar nëna e re.
Në telashe është bashkëjetuesi i saj. Gjyqtarët janë mbledhur për të vendosur në lidhje me fatin e tij dhe thyerjen e rregullave, qeni që Wreight mbante në shtëpi është një pitbull terrier, i cili është i ndaluar në Britaninë e Madhe/tesheshi.com/
