Një i ri irlandez, Jamie Harrington, është bërë i njohur në pak kohë, në sajë të një veprimi të tij. Ai i shpëtoi jetën një të panjohuri i cili donte të hidhej nga një urë, duke i thënë thjesht “Je mirë?”
Në atë moment burri vendosi që të mos i jepte fund jetës dhe pak më vonë, e shpërbleu të riun, duke i vendosur emrin Jamie, foshnjës që gruaja e tij mbante në bark. Ngjarja në fjalë ka ndodhur në Dublin, ku Jamie teksa po ecte në rrugë pa një person të mbështetur në urë.
“Ju afrova dhe e pyeta nëse ishte mirë. E binda të ulej dhe qëndruam për 45 minuta të ulur në shkallët e urës duke folur për jetën e tij. Më pas më kërkoi që të mos lajmëroja askënd, por nuk mund ta lija vetëm dhe kështu që lajmërova ambulancën”, thotë i riu për “Mirror”.
Rreth tre muaj më vonë ai mori një surprizë, “Më telefonoi dhe më tha se gruaja e tij priste një fëmijë, të cilin do e quante si unë. Nuk arrij që ta besoj që e shpëtova vetëm duke i thënë “Je mirë?”. Por ai m’u përgjigj me fjalët se askush deri më sot nuk i’a kishte bërë një pyetje të tillë”./tesheshi.com/
