Policia e Kosovës arrestoi Haxhi Hotin, anëtar u NISMA-s së Fatmir Limajt, i cili një ditë më parë trazoi opoinionin me një status të tij në FB, ku shkruante se “Albin Kurti duhej të vritej”. Më vonë ai kërkoi ndjesë për çka kishte hedhur në rrjete, duke e quajtur një “gabim teknik”, por kjo nuk i ka kursyer prangat, pasi Vetëvendosje bëri menjëherë padi.
“Policia e Kosovës ka trajtuar informacionin e publikuar ne rrjete sociale dhe sipas detyrës zyrtare ka ndërmarr veprimet konform autorizimeve ligjore duke trajtuar rastin si ‘shtytje në vrasje’. Të gjitha veprimet janë ndërmarrë në bashkëpunim dhe koordinim me organet e drejtësisë, personi i dyshuar është kërkuar dhe nuk është gjet në shtëpi, të njëjtit i është lënë ftesa për paraqitje të menjëhershme në polici dhe janë njoftuar të gjitha njësitet policore se kudo që takohet i njëjti të arrestohet”. deklaroi në fillim Policia e Kosovës, ku më pas tha se “i dyshuari pas paraqitjes në polici me urdhër të prokurorit është dërguar në mbajtje për 48 orë për procedura te mëtejme”.
” Kurti ose duhet ta lëshojë Kosovën, ose të vritet”, ishte fjalia “vrasëse” e Hotit, tashmë jo për kreun e VV, njëherësh kryeministër në pritje, por për veten e tij. /tesheshi.com/
