Një shtetas austriak, ekstremist i djathtë, i cili shkoi në Afganistan në vitin 2023 për të provuar se vendi i Azisë Juglindore është i sigurt dhe për këtë arsye refugjatët mund të ripranohen në të, u lirua të dielën pas nëntë muajsh burg ne vendin e riqeverisur nga talebanët.
Herbert Fritz, 84 vjeç, një ish-mësues, neo-nazist aktiv, i cili e përshkruan veten si një “ekspert afganistani”, sipas gazetës austriake Der Standard, mbërriti në Katar pasi u lirua nga talebanët.
#Taliban releases Herbert Fritz, an 84-year-old Austrian and far-right nationalist who was arrested in #Afghanistan last May. The Austrian government informed, Fritz arrived in Doha after mediation by the Qatari government's help to secure his release. pic.twitter.com/cLUWqrxhjl
— DD News (@DDNewslive) February 26, 2024
Ai u arrestua në maj nën dyshimin për spiunazh, pasi sfidoi paralajmërimet e Vjenës kundër çdo udhëtimi në Afganistan, vend i cili që nga gushti 2021 është sërish nën udhëheqjen e talebanëve.
“Mendoj se ishte fat i keq, por dua të shkoj sërish”, u tha ai gazetarëve pasi mbërriti në Doha, kur u pyet për burgosjen e tij. “Kishte njerëz të sjellshëm, por edhe disa idiotë”, shtoi ai, duke iu referuar gardianëve ë tij.
Autoritetet austriake falënderuan Katarin dhe Bashkimin Evropian për ndërmjetësimin e tyre, të cilat kontribuua në lirimin e Fritz-it. Ata gjithashtu thanë se ai mund të marrë një kujdes mjekësor në Doha përpara se të merrte avionin për në Austri.
Katari shprehu mirënjohjen ndaj qeverisë së Afganistanit për bashkëpunimin në lirimin e austriakut.
Sipas Standard, një nga “pushtimet” e zotit Fritz do të shkojë në vende “të rrezikshme”, veçanërisht në Afganistan në vitet 1980, ose në Ukrainën lindore në vitet e fundit.
Në përpjekjen e tij për të provuar se Afganistani është i sigurt, ai shkoi atje dhe botoi një artikull nën titullin “Pushime me talibanët” në një media të ekstremit të djathtë.
Artikulli i udhëtimit kishte për qëllim të legjitimonte dëbimin e refugjatëve ose azilkërkuesve nga Afganistani në vendin e tyre të origjinës, shpjegoi Standard.
Ai u arrestua menjëherë pas publikimit të artikullit.
Sipas mediave austriake, Fritz është takuar dikur dhe me liderin historik të Partisë së Punëtorëve të Kurdistanit (PKK), Abdullah Ocalan, i cili u arrestua 25 vjet më parë dhe mbetet i burgosur në Turqi.
Ai kishte udhëtuar gjithashtu në Siri për t’u takuar me luftëtarët nga Njësitë e Mbrojtjes së Popullit (YPG), përbërësi kryesor i Forcave Demokratike Siriane (SDF), e cila është aleate me SHBA-në dhe ka krijuar një administratë autonome kurde në zonat që ata kontrollojnë, në sektorët veriorë dhe lindorë të territorit sirian.
Turqia e karakterizon YPG-në si krahun sirian të PKK-së, një organizatë separatiste e cilësuar si “terroriste” nga Ankaraja dhe aleatët e saj perëndimorë.
Fritz ishte një anëtar themelues i Partisë Kombëtare Demokratike (NDP) të ekstremit të djathtë në vitin 1967, e cila u shpall jashtë ligjit në vitin 1988, sipas raporteve të mediave. Partia e Lirisë së ekstremit të djathtë, e cila kryeson në sondazhet përpara zgjedhjeve më vonë këtë vit, ka bërë presion ndaj qeverisë që të veprojë për ta liruar atë. /tesheshi.com/
