Për herë të parë në karrierën e tij politike, Lulzim Basha ka ngritur një padi për shpifje.
Ai pretedon se po akuzohet pa prova nga kryebashkiaku Veliaj, duke e çuar këtë të fundit në gjyq për t’i provuar ato.
Sipas njoftimit për shtyp të PD-së, akuzat janë tre:
–Kryetari i PD u bë me 4 shtëpi gjatë tërmetit dhe pandemisë
-Kryetari i PD ka përfituar gjatë periudhës së fatkeqësisë
-Kryetari i PD ka ndërtuar kate pa leje.
Sipas PD-së, “këto të pavërteta janë bërë me qëllim dëmtimin e reputacionit dhe dëmtimin e imazhit në mënyrë të qëllimshme, duke qenë se Lulzim Basha është Kryetar i PD në opozitë dhe Erion Veliaj, si drejtues i fushatës zgjedhore të PS për qarkun e Tiranës”.
“Këto deklarime shpifëse i përdor për të përfituar kredo politike përballë qytetarëve, si për vete dhe për PS”, thuhet në padinë e ngritur ndaj Veliajt.
Nga ana tjetër, kreu demokrat Basha është ndër papërmbajtëshmit në akuza. Ligjërimi i tij është i mbushur me sosh ndaj kubdërshtarëve politikë, por nuk dihet nëse këta të fundit e kanë paditur.
Pak kohë më parë, kryeministri Rama tha se do i përgjigjej me padi çdo akuze, ku më pas, të ardhurat financiare nga zhdëmshtimet do të shkonin për nevojat e shkollave, kopshteve e çerdheve. Por më tej nuk ka ka bërë publike se ndaj kujt ka ngritur padi, përt çfarë dhe se ç’bëhet me verdiktet e tyre gjyqësore. /tesheshi.com/
