Shtetet e Bashkuara po shqyrtojnë vendosjen e sanksioneve të reja ndaj Venezuelës për të rritur presionin mbi qeverinë e presidentit Nicolas Maduro që të heqë dorë pushtetin, tha të martën këshilltari i sigurisë kombëtare të SHBA, John Bolton.
“Ne jemi duke kërkuar për sanksione të reja, masa të reja për të forcuar kontrollin mbi burimet financiare të Maduros, që regjimi mos të ketë paratë e nevojshme për të qëndruar në pushtet”, tha Bolton
Uashingtoni e sheh kreun e opozitës Juan Guaido si udhëheqës legjitim të Venezuelës dhe ka futur sanksione kundër sektorit të naftës dhe njoftoi një ngrirje të aseteve, ndërkohë që ka ndaluar udhëtimin për zyrtarët e lartë të qeverisë.
Më parë të martën, i dërguari i Uashingtonit në Venezuelë, Elliott Abrams, tha se imponimi i SHBA me sanksione kundër shtetasve ose subjekteve jashtë Shteteve të Bashkuara në lidhje me Maduron, shihet”padyshim si një mundësi.
Por ai shtoi se nuk është marrë asnjë vendim për të ndërmarrë hapa të tillë. /tesheshi.com/
