Një valë e temperaturave ekstreme ka bërë që Gjermania të imponoj kufizime të shpejtësisë në autostradat ku zakonisht nuk ka limit.
Të nxehtit përvëlues që ka kapluar ekonominë më të madhe të Evropës ka bërë që autoritetet shtetërore të reduktojnë shpejtësinë deri në 100 kilometra në orë për shkak të frikës se temperaturat jashtëzakonisht të larta mund të krijojnë plasaritje “potencialisht vdekjeprurëse” në sipërfaqet e autostradave.
Temperaturat në Gjermani sot arritën kulmin në 38.2 gradë Celsius. Regjistrimi më i lartë i të gjitha kohërave ka qenë ai prej 40.3 gradësh, i shënuar në korrik të vitit 2015.
Meteorologët fajësojnë ndryshimet klimatike për këto temperatura, pasi i nxehti saharian ka nisur edhe në Evropën Perëndimore.
Vala sahariane e vitit të kaluar pati pasoja në të gjithë Gjermaninë. Temperaturat ekstreme stopuan transportin në lumin Rhine, prishën prodhimin e energjisë, shkaktuan zjarret në pyje dhe e detyruan vendin të importojë grurë – për herë të parë në 24 vjet. /tesheshi.com/
