Ramush Haradinaj ka treguar sërish se nuk njeh gjithë kabinetin qeveritar të cilin vet e ka emëruar. As pas nëntë muajsh emrat e zv. ministrave janë të panjohur për të. Kështu i ndodhi edhe të martën në mbledhjen e qeverisë. Haradinaj nuk e njohu zv.ministrin e Financave Mustafë Grainca.
Ky i fundit në mungesë të shefit të tij Bedri Hamza mori fjalën në mbledhjen e qeverisë. Por Haradinaj u desh ta pyesë për emrin. E në ndihmë i doli zv.kryeminsitri Fatmir Limaj që ia tregoi emrin e zv. ministrit të panjohur për kryeministrin.
Kujtojmë se një rast i ngjashëm ka ndodhur edhe në tetor të 2017-tës, ku po në një nga mbledhjet e qeverisë, Haradinaj nuk e njohu zv.ministrin e Zhvillimit Ekonomik, Fatir Ferzati që zëvendësonte në mbledhje ministrin, Valdrin Lluka.
“Jeni ju zv.ministër?”, pyeti Haradinaj zv.ministrin në fjalë.
Kujtojmë se qeveria “Haradinaj” numëron rreth 80 zv.ministrave dhe kjo është kritikuar jo vetëm nga opozita por edhe nga Bashkimi Evropian që i ka quajtur të tepërta emërimet në fjalë, duke thënë se me paratë që jepen për zv.ministrat mund të ishin bërë reforma në administrate./tesheshi.com/
