Vizita e ministrit të Jashtëm rus Sergei Lavrov në Serbi është anuluar pasi vendet përreth Serbisë thanë se do të mbyllnin hapësirën e tyre ajrore për aeroplanin e tij, thanë zyrtarët rusë.
Zëdhënësja e Ministrisë së Jashtme ruse Marija Zaharova tha se vendet fqinje serbe kanë mbyllur hapësirën ajrore për fluturimin e avionit të ministrit të Jashtëm rus Sergei Lavrov.
“Vetëm sot, një orë më parë, vendet përreth Serbisë mbyllën kanalin e komunikimit, duke mos lejuar fluturimin e avionit të Sergei Lavrov, i cili po përgatitej për në Serbi”, tha Zaharova për TV italian La7.
“Vendet anëtare të BE-së dhe NATO-s kanë mbyllur hapësirën ajrore, kanë mbyllur një kanal tjetër komunikimi,” shtoi ajo.
Por Zaharova tha se Rusia, ndryshe nga Bashkimi Evropian, nuk do të vendosë një perde të hekurt.
“Gabimet tuaja vijnë per shkak se jeni shumë egoistë, mendoni se jeni në qendër të botës, se nuk ka kombe të tjera përveç jush”, tha Zaharova për TV italian La7.
Një zyrtar i lartë i ministrisë së jashtme ruse konfirmoi për Interfax të dielën se Bullgaria, Maqedonia veriore dhe Mali i Zi kishin mbyllur hapësirën e tyre ajrore për avionin që dërgonte Lavrovin në Beograd të hënën, raportoi Reuters.
“Diplomacia jonë nuk e ka zotëruar ende teleportimin”, tha burimi.
Radio Televizioni i Serbisë (RTS) njoftoi të dielën në mbrëmje se vizita e ministrit të Jashtëm rus në Beograd është e pasigurt.
Kryeministrja serbe Ana Brnabiç u tha mediave të Beogradit më herët të dielën se situata në lidhje me vizitën e Lavrovit ishte “jashtëzakonisht e ndërlikuar”.
Javën e kaluar, Kremlini njoftoi vizitën e Lavrovit në Beograd më 6 dhe 7 qershor.
Zëdhënësja Maria Zakharov tha në një konferencë shtypi se ministri i jashtëm rus do të takohet me presidentin serb, ministrin e jashtëm, kryetarin e parlamentit dhe patriarkun ortodoks serb. /tesheshi.com/
