Një vit pas tragjedisë së Christchurch-it në Zelandën e re, ku nga të shtënat në një xhami u vranë 51 besimtareë, një i mbijetuar që është bërë një simbol i faljes në të gjithë botën, thotë se ai nuk ndihet i zemëruar për tragjedinë, por i mungon gruaja e tij aq shumë sa që ndonjëherë harron se ai ajo nuk është më.
Farid Ahmed, gruaja e të cilit Husna ishte një nga 51 viktimat e xhamisë Al Noor, vetëm disa ditë pas plojës së përgjakshme, ofroi faljen e tij për familjen e të akuzuarit si vrasës në masë, një supremacist i bardhë.
Pas kësaj, ai u bë një simbol botëror dhe ai u takua me kryeministrin australian Scott Morrison dhe Presidentin amerikan Donald Trump.
“Unë e shfrytëzova këtë tragjedi si një mundësi për të përhapur mesazhin e paqes dhe dashurisë,” tha Ahmed për Reuters përmes lotëve, në një intervistë të publikuar disa ditë para përvjetorit të masakrës.
“Unë kurrë nuk jam ndjerë hakmarrës, edhe ajo nuk e urrente askënd”, shton ai.
Ahmed shkroi librin “Historia e Husna-s” për gruan e tij, atë që ndodhi dhe “rrugën e faljes”. Të ardhurat e librit shkojnë për qëllime humanitare.
Husna u qëllua ndërsa ishte duke ikur nga xhamia dhe po kërkonte Ahmedin, i cili ishte në karrocë për shkak të një aksidenti që kishte përjetuar më herët. /tesheshi.com/
