Maria Branyas, një grua 113-vjeçare që besohet të jetë më e vjetra në Spanjë, i ka mbijetuar një infeksioni COVID-19 dhe tha se po ndihet mirë.
“Sa i përket shëndetit tim, unë jam mirë, me të njëjtat aftësi të kufizuara të vogla që mund t’i ketë kushdo,” tha Branyas në një video të një bisede me drejtorin e shtëpisë së infermierisë ku jeton në Olot, Katalonja, shkruan CNN.
Branyas u shërua nga një formë më e butë e COVID-19. Beteja e saj filloi menjëherë pasi familja e saj e vizitoi atë në 4 mars për të festuar 113-vjetorin e lindjes, tha një zëdhënëse e shtëpisë së infermierëve Santa Maria del Tura.
Branyas lindi në San Francisko. Ajo i mbijetoi dy luftërave botërore, si dhe pandemisë së gripit të vitit 1918, në të cilën më shumë se 50 milion njerëz vdiqën në të gjithë botën. /tesheshi.com/
