Në Herat të Afganistanit, nxënësja e shkollës së mesme, 18-vjeçarja Somaya Faruqi, rregullon kapakun e thithjes ndërsa shtron pllakat fundore para se të zbulojë frymëmarrësin e lehtë në përdorim dhe me pak kosto, të krijuar nga ajo dhe gjashtë shoqe të saj.
Ekipi i robotikës të grave afgane, i cili fitoi çmime ndërkombëtare për robotët e tij, filloi të punojë me një respirator me kosto të ulët që në mars, në kohën kur u shpall pandemia e koronavirusit, që gjithashtu goditi dhe Afganistanin e shkatërruar nga lufta.
Dhe u deshën egati katër muaj për të përfunduar një respirator të mbështetur pjesërisht nga Instituti i Teknologjisë në Masaçusets (MIT), duke marrë udhëzime gjithashtu nga ekspertë të Universitetit të Harvardit.
Pajisja është e lehtë për t’u lëvizur, mund të mbajë bateri deri 10 orë dhe kushton rreth 700 dollarë, krahasuar me 20,000 dollarë, që është çmimi i një respiratori tradicional.
“Ne jemi të kënaqura që kemi ndërmarrë hapin e parë në fushën e mjekësisë dhe për t’i shërbyer njerëzve në këtë fushë. Të gjithë anëtarët e ekipit tonë ndjehen të lumtura sepse pas muajve të punës së vështirë kemi arritur ta shohim këtë rezultat”, tha Faruqi për Reuters.
Megjithëse respiratori duhet të kalojë testet përfundimtare nga autoritetet shëndetësore para se të përdoret, zyrtarët atje e presin me padurim. Ka vetëm 800 respiratorë në vend për trajtimin e pacientëve me koronavirus. /tesheshi.com/
