Një histori që ka prekur miliona njerëz në mbarë botën është ajo e një vogëlushi vetëm 2-vjeçar nga Britania të quajtur Alfie Evans.
Fëmija mbahej në jetë falë aparaturave pas vuajtjeve nga një sëmundje e rëndë. Mjekët e spitalit të Manchesterit vendosën t’i heqin aparaturat pasi sipas tyre ai nuk kishte më fuqi t’ia dilte.
Por edhe pasi aparaturat u hoqën, fëmija jetonte ende dhe ishte në gjendje të merrte frymë. Pas kësaj, prindërit e vogëlushit kërkuan sërish që fëmija të mund të transportohej në Itali, vend i cili kishte shprehur gatishmëri për ta mbajtur në jetë përmes aparaturave.
Por çështja duhej vendosur në gjykatë, e cila u mblodh në një seancë emergjente. Gjykatësi u tha mjekëve se fëmija duhej lënë të vdiste në shtëpi pasi sipas konkluzioneve të spitalit nuk mund t’ia dilte.
Prindërit kanë pasur disa përballje ligjore që fëmija të vazhdojë të mbahet në spital ndërkohë ata morën edhe nënshtetësi italiane vetëm që ta dërgonin vogëlushin në Romë ku të mbahej përmes aparaturave.
Ndërkohë, qindra britanikë qëndronin në dyert e spitalit ku tentuan të hyjnë me forcë për të mos lejuar që fëmijës t’i hiqeshin aparaturat.
Vogëlushi është në gjendje vegjetative prej Majit të vitit 2016. Sipas neurologëve ai vuan nga Sindroma e Shterimit të ADN-s Mitokondriale, anomali që bën të pamundur që trupi të prodhojë energji për muskujt, veshkat dhe trurin.
Maksimumi që mund të shtyjnë të prekurit është deri në adoleshencë ndërkohë ende nuk ka kurë për këtë sëmundje të rrallë./tesheshi.com/
