Doli në një konferencë për situatën e rëndë të COVID-it në Serbi, por presidenti Vuçiç s’ka mundur të mos komentojë mbi zhvillimin e pritshëm, atë të aksionit europian për rinisjen e dialogut.
“Vendin e pret një verë dhe vjeshtë e vështirë në lidhje me Kosovën”, tha Vuçiç, sipas së cilit jo gjithçka është në interes të Serbisë.
“Askush nuk dëshiron të na japë asgjë, ata do të na bëjnë presion për të humbur. Kjo është arsyeja pse ne kemi nevojë për unitet”, tha Vuçiç.
Ai pritet të takohet me Macron, siç u takua dhe Hoti, në parapërgatitje për takimin e 12 korrikut në Bruksel.
Më parë, Vuçiç ka thënë se për Kosovën ai nuk preferon të bisedojë me përfaqësues nga Kosova, por vetëm me ndërkombvëtarët. /tesheshi.com/
