12 vite pasi nxiti vrasjen e policit Trimuf Riza, Enver Sekiraqa është dënuar me 30 vite burgim.
Një proces maratonik kundër Sekiraqës ka marrë fund sot në shkallën e parë të gjyqësorit. Kryetari i trupit gjykues për këtë rast, Shashivar Hoti gjatë leximit të arsyetimit të vendimit ka thënë se është fajtor për shtytjen në veprën penale vrasje e rëndë.
Sekiraqa sipas aktakuzës akuzohet për tri vepra penale. Akuza kryesore kundër tij në këtë rast penal është akuza e parë: Nxitje për kryerje të vrasjes së rëndë të pjesëtarit të Policisë së Kosovës.
Dosja e tij penale u përplas herë në duart e gjyqësisë së Eulex-it, e herë në atë të gjykatësve të Kosovës. Tri vite më parë, Sekiraqa ishte dënuar me 20 vite burg, por rasti u kthye në rigjykim pas detajeve të reja, gjëra që i shtuan edhe nivelin e akuzës.
Historia e “të fortit të Prishtinës”, banda e të cilit ishte aktive për fajde dhe shantazhim, mori edhe më shumë vëmendje kur në mes të tij dhe policit që Triumf Riza hyri këngëtarja Adelina Ismaili.
Kjo e fundit ishte e dashura e policit të ndjerë, dhe ka dëshmuar disa herë kundër të dënuarit. /tesheshi.com/
