Luftime të rënda u zhvilluan në veri të Meksikës pasi forcat e sigurisë kapën një nga djemtë e mbretit të drogës, Joaquin Guzman, i njohur ndryshe si “El Chapo”.
Luftimet u zhvilluan për disa orë pasi i biri i El Chapo-s, Ovidio Guzman Lopez, u kap gjatë një patrullimi rutinë në qytetin e Culiacan.
Pamjet e transmetuara në një TV meksikan shfaqën burra të armatosur me armë të rënda duke qëlluar mbi policinë dhe automjetet, ku shiheshin trupa të shtrirë në rrugë dhe barrikada të djegura e të shpërndara. Guzman u lirua më vonë – për të shmangur dhunën e mëtejshme, thanë autoritetet.
Presidenti i Meksikës Andres Manuel Lopez Obrador tha se ai do të zhvillojë një takim të kabinetit të tij të sigurisë për të diskutuar mbi incidentin.
Nën udhëheqjen e El Chapo-s, karteli Sinaloa ishte furnizuesi më i madh i drogës në SHBA, thonë zyrtarët.
Tani që El Chapo ndodhet pas hekurave, karteli thuhet se kontrollohet pjesërisht nga Ovidio Guzman, i cili si i ati, akuzohet për trafik droge në SHBA./tesheshi.com/
