Kryesia e Partisë Liberale të Austrisë – FPO, pezulloi ish-liderin e saj Heinz-Christian Strache dhe njoftoi se ai do të dëbohej nga anëtarësimi nëse do provohej fajësia për aferën e përdorimit të parave të partisë për qëllime private.
Shefi i ri i FPO-së, Norbert Hofer u tha gazetarëve pas një takimi të forumeve: “Ne do të presim të shohim nëse akuzat ndaj tij janë të sakta. Nëse ato janë, atëherë ai do të dëbohet nga partia”, tha Hofer.
Strache është fajësuar nga shumë zyrtarë të FPO për humbjen në zgjedhjet e parakohshme parlamentare, e kjo pasi qeveria në të cilën ishin partnerë ata ata, u rrëzua pas aferës “Ibiza”, me protagonist pikërisht Strachen, i cili mbante dhe postin e lartë të zv/Kancelarit.
Vendimi për të pezulluar anëtarësimin e Straches është një mesazh i qartë i distancimit të partisë nga ish-udhëheqësi i saj. /tesheshi.com/
