Kina ka hequr sot kufizimet drastike të prezantuara disa muaj më parë në Hubei, provincë që është në fokus të një pandemie të llojit të ri të koronavirusit (COVID-19).
Asnjë rast infektimi lokal nuk është zbuluar në vend në 24 orët e fundit, por ka pasur 47 raste të raportuara nga jashtë gjatë kësaj periudhe, njoftuan autoritetet shëndetësore kineze.
Janë konfirmuar gjithsej 474 raste “të importuara”. Shumica janë kinezë që kthehen në shtëpi, sipas Ministrisë së Jashtme.
Në 24 orët e fundit, katër të tjerë kanë vdekur, përfshirë tre në Hubei, një provincë në Kinën qendrore, që ka për kryeqendër Wuhan-in, qytetin e parë që vuajti nga koronavirusi i ri.
Pekini njoftoi të martën se që nga janari ka karantifikuar më shumë se 50 milion njerëz në Hubei, në mënyrë që ata të mund të udhëtojnë tani nëse janë të shëndetshëm. Disa aeroporte dhe hekurudha po funksionojnë përsëri. Por shkollat janë ende të mbyllura në këtë fazë.
Ndërkohë, banorët e Wuhan-it do të duhet të presin 8 prill për të udhëtuar jashtë qytetit.
Në Kinë, kishte më shumë se 81,000 të infektuar dhe 3,281 të vdekur. Ndërsa numri të infektuarve ka rënë ndjeshëm gjatë një muaji të kaluar.
Situata në Kinë është krejtësisht e ndryshme nga pjesa tjetër e botës, ku koronavirusi po zgjerohet me shpejtësi, duke detyruar gjithnjë e më shumë vende të vendosin kufizime në lëvizje, shtetrrethim, mbyllje të vendeve publike dhe të ngjashme. Më shumë se 400,000 raste janë konfirmuar në 175 vende dhe territore.
Por për shkak të të infektuarve që vijnë nga jashtë, Kina frikësohet për një valë tjetër sëmundjeje.
Për shkak të kësaj, shumë qytete kineze kanë futur rregulla të rrepta për të izoluar njerëzit që vijnë nga jashtë, kështu që të gjitha fluturimet nga portet ndërkombëtare për në Pekin janë drejtuar në qytete të tjera, ku udhëtarët janë testuar, raporton AFP. /tesheshi.com/
