“Tifozët duhet të vijnë gjithmonë e të na përkrahin. Ky nuk është kampionati që e sheh të shtunën e të dielën çdo fundjavë. Jemi futbollistë që luajmë për kombin, siç bëjnë ata që përkrahin kombin”. Kështu është shprehur në një konferencë për shtyp, Elseid Hysaj, mbrojtësi i djathtë i kuqezinjve. “Tifozët bëjnë mirë të na japin një dorë, jam i bindur që do ta bëjnë se shqiptarët nuk na kanë lënë asnjëherë vetëm”- ka vijuar mesazhin e tij mbrojtësi që luan më Napolin në Seria A.
Lidhur me pritshmëritë për dy ndeshjet e rradhës së Kombëtares, Hysaj është shprehur se ndeshjet duhen marrë një nga një, e prej tyre të dilet me rezultat maksimal.
“Besoj që me Lihtenshtejnin duhet të fitojmë se është e rëndësishme, pastaj të mendojmë për Maqedoninë. E dimë që Maqedonia është më e përgatitur me lojtarë me shumë emër. Por futbollit nuk i dihet si shkon, duhet të fitojmë të parën që të shkojmë me entuziazëm në ndeshjen e dytë”, deklaroi 23 vjecari.
Si lojtar tashmë “i vjetër” nën uniformën kuq e zi, Hysaj ka mirëpritur edhe afrimet e reja në Përfaqësuese të Panucit. Sipas tij, çdo lojtar që shkon në kombëtare, e bën për një arsye: se trajneri beson që mund të japë shumë. Duhet të kenë kohën e tyre që të futen në mekanizmin e kombëtares, pastaj koha do të tregojë nëse do të jenë më të mirë apo të veçantë se të tjerët”, u shpreh Hysaj. /tesheshi.com/
