Elseid Hysaj, mbrojtësi i Kombëtares, u ka bërë thirrje shokëve të skuadrës që të kenë kujdes nga Italia, në ndeshjen që do të luhet në “Loro Boriçi” të Shkodrës, ditën e hënë.
Pas humbjes ndaj Spanjës, me rezultatin 3:0, kombëtaren shqiptare e pret një ndeshje e vështirë. Kuqezinjtë do të përballen me Italinë, e cila në ndeshjen e fundit barazoi me Maqedoninë 1:1.
Mbrojtësi i Kombëtares, Elseid Hysaj pret që kundër Italisë në Shkodër të shpërthejë për t’iu treguar tifozëve të tyre se kanë cilësi në skuadër.
“E dimë që Spanja është një nga pretendentet për trofeun. Goli i parë ishte shumë i bukur, në dy të tjerët mund të bënim diçka më shumë. Nuk duhet të pësojmë gola kaq shpejt, por ndodh në futboll. Ne kishim 2-3 raste por nuk shënuam”, ka deklaruar Hysaj
Ai shton se në Shkodër do kem një kundërshtar shok skuadre te Napoli.
“Do jetë një ndeshje shumë e bukur, të tregojmë se dimë të luajmë futboll si në pjesën e dytë këtu. Besoj që një skuadër si Italia nuk gabon në lidhje me motivimin. Nëse sot luajtën keq, do jenë akoma më të egër për t’i treguar tifozëve se çfarë cilësisht kanë”, tha Hysaj. /tesheshi.com/
