Hyn në fuqi ligj për Prokurorinë Speciale Antikorrupsion, dhe sipas gjasave kjo njësi shumë e rëndësishme do të ngrihet me prokurorët aktualë të Adriatik Llallës. Kjo pasi është bllokuar vettingu.
Edhe pse Gjykata Kushtetuese ka bllokuar ligjin në fjalë, pasi pa të prokurorët dhe gjyqtarët e SPAK nuk mund të emërohen, kjo nuk pengon ngritjen e Byrosë Kombëtare të Hetimit. Prokurori Speciale dhe gjykata do kenë gjyqtarë e prokurorë, të cilët më parë duhet të kenë kaluar procesin e rivlerësimit, por kjo nuk e ndal dot punën dhe përgatitjet për ngritjen e Byrosë Kombëtare të Hetimit.
SHBA që kur nisi asistencën për reformën në drejtësi e dinte që do të haste në rezistencën e drejtësisë shqiptare, prandaj ata propozuan që Byroja e Hetimit të ketë oficerë të policisë gjyqësore dhe hetues. Kjo do të thotë se atyre u mjafton të marrin Byronë e SPAK-un dhe nuk u intereson fare se çfarë bën politika shqiptare. Dihej se do kishte rezistencë të madhe dhe që në fillim SHBA ka vendosur kusht marrjen e BKH. Sipas përcaktimeve në ligjin përfundimtar, Byroja Kombëtare e Hetimit do jetë gati pas 4 muajsh.
Kjo do të thotë se në shkurt ajo do ketë godinën e saj dhe stafin. Ligji detyron qeverinë që të gjejnë një godinë të përshtatshme. Por çfarë do të ndodhë gjatë kësaj periudhe? Shumë shpejt në Tiranë do të zbarkojë një mision me ekspertë të SHBA dhe BE, përfshirë këtu dhe një agjent të FBI-së të cilët do nisin trajnimin e anëtarëve të Byrosë Hetimore. “Komisioni i Pavarur i Rishikimit vëzhgon në mënyrë aktive procesin e rekrutimit dhe trajnimit të punonjësve të Byrosë Kombëtare të Hetimit, si dhe miraton materialet e trajnimit të Hetuesve dhe Drejtorit të Byrosë Kombëtare të Hetimit”, thuhet në nenin 57. /tesheshi.com/
