Grupimi militar shiit i Jemenit, Huthi, pretendojnë se kanë goditur me raketë një termocentral bërthamor në ndërtim në Abu Dhabi të Emirateve të Bashkuara Arabe.
Lajmi është dhënë nga vetë ata, nëpërmjet kanalit të tyre televiziv “Al-Masira”. Bëhet fjalë për reaktorin bërthamor Al-Baraqah, por që autoritetet e Emirateve nuk e konfirmojnë.
Një ditë më parë, huthinjtë akuzuan EBA-në se po mbështet përkrahësit e presidentit të përmbysur, Ali Abdullah Saleh.
Javë më parë huthinjtë lëshuan një raketë në drejtim të kryeqytetit saudit, Riad, e cila u asgjesua në ajër nga forcat ushtarake vendase. Ndërsa një vit më parë, po ky grupim, lëshoi një raketë në drejtim të Mekës, që po ashtu u asgjesua. /tesheshi.com/
